AC米蘭向曼聯借拜利　承諾佢必有正選

最強博彩盤路過關神器《串績王》：http://win.on.cc/football/　

意大利傳媒報道，指AC米蘭已經正式向曼聯提出借用艾歷拜利，並承諾佢一旦加盟，就必定有得踢正選。據悉，艾歷拜利都願意加盟呢支意甲勁旅，依家就要睇下曼聯肯唔肯放人。

AC米蘭近期大鬧中堅荒，卡積亞重傷已經提早收咧，另外2位中堅湯姆利、阿利斯奧羅馬洛尼亦有傷在身，教練皮奧利急需要簽入中堅應急，當中首選艾歷拜利，一來呢位科特迪瓦國腳有一定實力，二來佢只係曼聯後備球員，比較大機會簽到佢。

AC米蘭甚至向艾歷拜利作出保證，只要佢肯加盟，就有正選踢，所以佢已初步同意來投。值得一提，AC米蘭前鋒伊巴謙莫域效力曼聯時期，同艾歷拜利非常老友，相信有助吸引佢加盟A米。

　

不過，艾歷拜利正在為科特迪瓦出戰非國盃，就算曼聯願意外借佢，都未必可以喺短期內為AC米蘭上陣。