C朗傷勢詳情曝光　周中都未必踢得

最強博彩盤路過關神器《串績王》：http://win.on.cc/football/　

曼聯上場英超被阿士東維拉逼和2比2，球星C朗繼英足盃之後，今場又缺陣，紅魔鬼主帥蘭歷克透露，呢位葡萄牙射手髖屈肌有傷，周四(20日)凌晨英超作客賓福特，仍然上陣成疑。

蘭歷克話：「日前操練之前，發現C朗髖屈肌仍然有問題，所以要求佢停止訓練，同佢傾完之後，認為如果佢傷勢未好，將佢列為大軍比賽名單，並冇意義，周中英超對賓福特之前，再睇下C朗咩情況，希望到時佢可以復出啦。」

髖屈肌係大腿同腰之間嘅幾組肌肉，我哋抬腳同彎腰嘅時候都需要用到嘅肌肉，對運動員嚟講，肯定好緊要。

另外，曼聯隊長哈利馬古尼今場都冇上陣，蘭歷克指呢位中堅身體冇問題，但由於佢已缺陣2星期，狀態不足，所以繼續用雙中堅陣式，由華拉尼、域陀連迪路夫扼守中路。