世界足球先生即將出爐　美斯等攞獎

國際足協(FIFA)周二(18日)凌晨會舉行2021年最佳球員頒獎禮，因為疫情問題今屆會以網上形式舉行，最受注目當然係「世界足球先生」獎項，最後3強分別係巴黎聖日耳門前鋒美斯、拜仁慕尼黑前鋒羅拔利雲度夫斯基同埋利物浦前鋒穆罕默德沙拿。

上年11月已經贏得金球獎嘅美斯，被視為今屆得獎頂頭大熱，事關自2004年舒夫真高贏金球獎、朗拿度奴奪世界足球先生，兩兩大頒獎禮有唔同結果後，之後每一屆都有相同嘅得獎者(期間曾合併6年)，何況世界足球先生係由國家隊領隊、隊長同傳媒投票，對球員「名氣」以及對世界影響力嘅重視程度更高，美斯自然更加著數。