般費拒絕續約！周薪僅10萬鎊太奀

足球博彩神器，每日重心提供盡在《彩報》：http://win.on.cc/football/　

曼聯亂局擴散，英國傳媒報道，般奴費南迪斯近日拒絕曼聯續新約，原因係佢周薪僅10萬鎊，屬隊中低薪人士，佢向會方要求大幅加薪，希望能與C朗嘅40萬鎊睇齊，續約談判將繼續進行。

般費前年加盟曼聯後，共射入33球及22次助攻，而且幾乎全勤，加盟至今僅缺席2場英超，係球隊絕對主力，不過佢人工卻嚴重偏低，只有10萬鎊周薪，在全隊排第11位，其餘主力普遍人工都有20萬鎊周薪，最高嘅C朗、迪基亞同保羅普巴，係佢人工嘅3至4倍。

般費合約要到2025年6月屆滿，仲有4年時間，不過唔排除會被挖角，有報道指佢經理人未同曼聯斟介前，最初係打算送佢去西甲，先加盟華倫西亞，最終轉投巴塞隆拿，若然曼聯再唔同佢翻新合約並大幅加薪，般費隨時嗌走都似。