今季已投降 曼聯收咧前公布新帥

20220118
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
英國《曼徹斯特晚報》爆料指曼聯招聘新領隊獲得進展,並計劃今季結束之前,就公布新帥人選及5月尾就要上任,畀新領隊有充裕時間準備下季工作,避免再出現當年莫耶斯倉促領軍而影響成績。
曼聯由看守領隊蘭歷克接手執教之後,表現冇乜改善,甚至同球員關係欠佳,基本上坐正無望。雖然呢位德國名帥要等到7月1日先至會轉任技術顧問,但紅魔鬼會方希望新帥可於5月尾上任,盡快同蘭歷克交接工作。
曼聯2013年5月初已經公布由莫耶斯執教,但因為慳錢,唔向愛華頓支付毀約金,「莫天才」當年要等到7月1日先至開始為曼聯工作,浪費唔少時間,影響球隊備戰。
相比之下,摩連奴2016年5月27日接過曼聯帥位,「寸王」首季協助球隊奪得英聯盃、歐霸盃冠軍,有前車可鑑,曼聯梗係想新帥盡快上任。
曼聯新帥人選,包括普捷天奴、羅渣士、坦哈格、施蒙尼恩沙基、施丹,除咗施丹之外,其餘4人都有教職在身,紅魔鬼想盡快敲定新帥,並唔容易。