愛華頓選帥行動展開 朗尼面試PK摩連奴

20220119
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
英超球會愛華頓日前炒賓尼迪斯後,周二(18日)正式選布任命助教鄧肯費格遜出任看守領隊,選帥行動亦加速進行,據報打比郡領隊朗尼日內就會去愛華頓面試,不過英國傳媒指羅馬教練摩連奴亦係球會心水,唔排除會出高薪挖角。
英國《太陽報》消息指,球員時代喺愛華頓出身嘅朗尼係最有機會接任嘅人,報道指「拖肥糖」大股東莫舒利同主席簡胡禮,將會喺短期內同朗尼進行「面試」,如果36歲嘅朗尼能夠說服2位話事人,考慮到打比郡嘅財政問題,愛華頓要請人係輕而易舉嘅事。
不過,愛華頓主席簡胡禮同時對摩連奴情有獨鍾,雖然「寸王」今季先至轉教意甲羅馬,但愛華頓如果出動高薪嘅話,仍然有機會再次將摩連奴帶返英超。愛華頓原本目標馬天尼斯,已被比利時足總告知唔會放人,傳聞白禮頓領隊樸達同前車路士領隊林柏特都喺愛華頓嘅目標名單當中。