「埃及文明」瓦解！利物浦決賣法明奴

最強博彩盤路過關神器《串績王》：http://win.on.cc/football/　

利物浦嘅「埃及文明」前鋒組合曾經令人聞風喪膽，不過羅拔圖法明奴年2年受傷患困擾，加上迪亞高祖達嘅冒起，呢位巴西前鋒今季重要性已大大降低。據西班牙《國家報》爆料，利物浦已決定今個夏天將羅拔圖法明奴賣走，並且主動向巴塞隆拿兜售。

30歲嘅羅拔圖法明奴今季英超只係踢過5場正選，而且佢嘅入球率亦遠遠唔及搶佔正選嘅迪亞高祖達，喺球隊已有南野拓實、奧歷治、阿歷士張伯倫等後備球員下，羅拔圖法明奴對「紅軍」重要性已大不如前，報道指利物浦已聯絡過去曾提出收購嘅巴塞隆拿，只要收到2,000萬歐元轉會費就有交易。

據報利物浦領隊高普希望重整鋒線，除迪亞高祖達成功上位外，「紅軍」亦想再增添火力，效力韋斯咸嘅查洛保雲就係主要獵物，維拉利爾前鋒哥爾尼維特亦盛傳係利物浦目標。