賓福特缺多位主將 曼聯機會來了

20220119
東網電視
更多新聞短片
最強博彩盤路過關神器《串績王》:http://win.on.cc/football/ 
近期英超賽程又被打亂,周四(20日)凌晨就安排咗場補賽上演,由曼聯作客賓福特。曼聯為追趕前列勢要全取3分,雖然看守領隊蘭歷克執教後表現仍嫌飄忽,但球隊質素始終屬英超頂尖,只要適應新踢法,表現必穩步上揚;賓福特實力同狀態都處低谷,加上殘陣應戰,「紅魔鬼」可望反彈,放心直取客W。(Now 621周四凌晨4時直播)
曼聯自蘭歷克執教後,由於球員仲要適應,搞到戰績飄忽在所難免,佢哋上仗作客阿士東維拉,大部分時間踢得唔錯,只係尾段體力不繼下連失兩粒,最終被逼和2比2失分而回。老實講「紅魔鬼」整體演出已經有進步,無論逼搶定進攻侵略性都有所提升,其中葡萄牙核心般奴費南迪斯個人梅開二度重拾信心,大哥C朗拿度據報亦有望傷愈復出,威力培增。
除進攻外,蘭歷克接手後曼聯防線亦有改善,佢上任後8場賽事只失6球,華拉尼同哈利馬古尼慢慢建立默契,而且防中麥湯米尼同左閘勞基梳爾今仗刑滿復出,「蘭Sir」可以排出佢心目中嘅最佳陣容,球隊近乎「夫添」下,可以預期表現會有進一步提升。
賓福特缺多位主將
賓福特升班後季初表現突出,但近5場聯賽4次落敗,逐漸跌入護級漩渦。佢哋近期防線出晒事,近兩仗狂失7粒,包括上場0比3不敵利物浦,遇強顯然毫無還擊之力,加上後防查理葛迪及中場法蘭安耶卡等主將缺陣,令球隊本來已經薄弱的兵源更見緊張,王牌前鋒艾雲東尼苦陷入球荒,主場亦冇能力阻止曼聯奏凱,客W屬信心之選。