法蘭克輸波唔忿氣：曼聯超級無敵勁好運！

最強博彩盤路過關神器《串績王》：http://win.on.cc/football/　

賓福特周四(20日)凌晨英超1比3不敵曼聯，連續第3場聯賽輸波，不過佢哋上半場其實係表現更好嗰隊，壓逼性踢法打到曼聯後防立立亂，賓福特領隊法蘭克賽後唔忿氣，直指曼聯贏波係超級無敵勁好好運！

丹麥教頭法蘭克賽後表示：「賓福特係全英超最細球會，而曼聯係英超最大球會，我哋上半場完全摧毀曼聯，打到佢哋冇喘息空間，而且有3次入波黃金機會，基本上(賓福特)冇得唔贏。曼聯係超級無敵勁好運，佢哋上半場冇落後0比2係個奇迹，我當然知道把握力嘅重要性，亦要讚揚迪基亞嘅神勇，但如果呢啲機會再出現我哋一定入到波。我哋用賓福特嘅足球殺死曼聯，逼到曼聯要為渺小嘅賓福特變陣，我為球隊感到光榮。」