美斯新冠肺炎有手尾？落選阿根廷國家隊

最強博彩盤路過關神器《串績王》：http://win.on.cc/football/　

阿根廷球王美斯1月2日確診新冠肺炎之後，一直未能參加比賽，阿根廷國家隊主帥史卡朗尼公布最新一期大軍名單，美斯亦榜上無名，令人懷疑呢位34歲老將嘅病情仲未斷尾。

美斯當時中招之後，並冇病徵，並早已飛返巴黎聖日耳門(PSG)報到，原本以為佢只會缺陣法足盃對瓦納，但PSG近2場比賽，包括對里昂、比斯特，美斯連後備名單都冇份，令人擔心佢嘅身體情況。幸好只係虛驚一場，呢位球王近日已經復操，有望下周一(24日)凌晨法甲復出對蘭斯。

至於阿根廷主帥史卡朗尼今次揀選6位鋒線球員，包括迪馬利亞、拿達路馬天尼斯、祖亞昆哥利亞、保羅戴巴拿、安祖哥利亞、祖利安艾華利斯，美斯可以專心休息。

阿根廷將於1月28日及2月2日世界盃外圍賽，分別對智利同哥倫比亞，由於阿根廷已經穩奪出線權，亦唔需要勞煩美斯幫手。