阿仙奴球員「食黃」涉賭　英足總調查

最強博彩盤路過關神器《串績王》：http://win.on.cc/football/　

據英國《The Athletic》報道，英格蘭足總近日接獲博彩公司通知，關於一名阿仙奴球員喺英超賽事食黃牌嘅事件，收到不尋常嘅投注，懷疑當中涉及非法賭波，英格蘭足總已經展開調查。

報道指涉案嘅阿仙奴球員身份已被確認，但基於調查原因暫時唔會公開，統計顯示阿仙奴今季聯賽拎到31面黃牌，格列沙加同森比盧干加各有4面黃牌係「牌王」，奧巴美揚、布卡約沙卡同加比爾馬加希斯就各有3面。

英超過去亦曾發生類似事件，修咸頓名將拿鐵斯曾經喺自傳入面爆料，話自己試過喺開波早段將個波踢出界，換取「開波1分鐘內有界外球」嘅投注成功，不過當時佢嘅隊友阻止個波出界，令佢嘅「奸計」未能得逞。