華美倫宣布掛靴　立即有新筍工

最強博彩盤路過關神器《串績王》：http://win.on.cc/football/　

前阿仙奴隊長華美倫宣布掛靴，結束18年職業球員生涯，呢位36歲後衞迅速搵到新工作，將會加入比利時國家隊教練團，輔助主帥馬天尼斯，備戰今屆世界盃決賽周。

雖然華美倫係比利時人，但少年時期已經加入荷蘭勁旅阿積士青年軍，2009年轉投阿仙奴，效力兵工廠5年，期間做過隊長，登上事業高峰。

呢位可以勝任中堅同左後衞嘅全能戰士，2014年加盟巴塞隆拿，但因為傷患問題，上陣機會非常少，試過被外借去羅馬，2019年更加去日職搵食，效力神戶勝利船，同恩尼斯達做隊友。上月日職收咧之後，華美倫宣布離隊，依家正式掛靴，球員生涯累積獲得20個冠軍。