拉舒福特絕殺！曼聯擊敗韋斯咸

足球博彩神器，每日重心提供盡在《彩報》：http://win.on.cc/football/　

英超前4搶分大戰，曼聯主場火併韋斯咸，今場係爭奪前4位置嘅6分波，亦係「教父」蘭歷克同「天才」莫耶斯正面交鋒，結果曼聯憑拉舒福特末段絕殺贏1比0，曼聯贏波升上第4，保持爭前4機會。

曼聯今仗有哈利馬古尼擔正，夥拍華拉尼鎮守中路，C朗單箭頭，新星艾蘭加連續第3仗正選上陣，韋斯咸正選門將法比安斯基臨場缺陣，消息稱佢確診新冠肺炎，改由副選艾奧拿把關，中堅葛特蘇馬復任正選，單箭頭米查利安東尼奧。

上半場曼聯最似樣攻門係葡萄牙組合，般奴費南迪斯左路斬入禁區，C朗衝前可惜來遲一步，韋斯咸就專心防守，攻門機會唔多。直至下半場49分鐘，費特推順勁射，但過唔到艾奧拿十指關。

比賽尾段，曼聯派出拉舒福特、卡雲尼同之前鬧出罷踢風波嘅安東尼馬迪爾落場，補時階段，幾個後備做齣好戲，拉舒福特門前絕殺，協助曼聯贏1比0全取3分。