幾乎被炒變戰術大師 阿迪達有望續約2年
20220123
東網電視
更多新聞短片
最強博彩盤路過關神器《串績王》：http://win.on.cc/football/
阿仙奴今季成績大躍進，即使英聯盃4強止步，但仍然有望爭入英超前4位奪取下屆歐聯入場券，英國《每日郵報》爆料，指阿仙奴管理層計劃同領隊阿迪達續約2年，希望佢帶領球隊再創高峰。
阿仙奴早前曾於英超取得4連勝，直至不敵榜首勁旅曼城，先至斷纜，但同第4位球隊仍然保持接近分數，好有機會反超前打入前4位。
阿迪達嘅教波成績獲得球會管理層認同，即使佢仲有1年半合約，會方已經計劃同呢位39歲西班牙少帥續約2年，並會加佢人工，阿迪達現時年薪為500萬鎊，有望加至600萬鎊。
雖然有傳曼城有意邀請阿迪達回巢做哥迪奧拿接班人，但佢比較傾向留效兵工廠，樂意同球會傾續約問題。
阿仙奴今季首3場聯賽都輸波，當時阿迪達幾乎被炒，估唔到依家可望獲得加薪續約，證明波係圓嘅。