【亞洲盃】印度女足爆疫　東道主都要退賽

最強博彩盤路過關神器《串績王》：http://win.on.cc/football/　

正喺印度舉行嘅女足亞洲盃決賽周，「東道主」印度女足近日爆發新冠肺炎疫情，周日(23日)對中華台北女足嘅A組賽事，因為唔夠13個球員候命而取消，亞洲足協規定球隊如果未能履行所有比賽，將被視作退出賽事，周三(26日)最後一場分組賽對中國女足亦會取消。

印度女足首仗打和伊朗0比0，但對中華台北前檢測出現大量確診，因為唔夠13個球員上陣而取消，亞洲足協之後再喺官網宣布，印度女足下仗對中國女足同樣取消，而且證實印度女足踢唔成比賽後，已經「觸發今屆亞洲盃退賽規例」，正式退出今屆賽事。

A組只剩3隊情況下，2戰全勝嘅中國女足已鎖定首名出線，中華台北同伊朗目前都係1戰1敗(伊朗對印度一仗賽果作廢)。