最後8分鐘連追2球　皇馬驚險執番1分

足球博彩神器，每日重心提供盡在《彩報》：http://win.on.cc/football/　

周日(23日)晚西甲賽事，皇家馬德里主場迎戰艾爾切幾乎輸波，喺落後2球劣勢下，最後7分鐘連入2球追成2比2平手，喺聯賽榜繼續領先次席西維爾4分。另一勁旅巴塞隆拿亦以1比0絕殺艾拉維斯，逼近前4位置。

皇馬今場本來有機會先開紀錄，但賓施馬33分鐘主射12碼竟然高出，9分鐘後更被客隊前鋒盧卡斯波爾攻陷，半場落後0比1。去到76分鐘皇馬再失多球，皮亞米拿突破越位抽入遠柱，落後2球嘅皇馬最後階段爆發，82分鐘被莫迪歷射入12碼追番球，補時階段再有艾達米列達奧頭槌頂入，最終踢成2比2完場。

巴塞隆拿喺周一(24日)凌晨作客艾拉維斯贏得驚險，要到完場前3分鐘先至由法蘭基迪莊射入全場唯一入球，巴塞隆拿贏波後升上第5位，距離第4位嘅馬德里體育會1分。