多隊想簽卡維特利雲　愛華頓標價4000萬

足球博彩神器，每日重心提供盡在《彩報》：http://win.on.cc/football/　

1月轉會窗比較靜，愛華頓前鋒卡維特利雲近日成為主角，多間傳媒報道，該24歲前鋒獲多間球會探盤，愛華頓準備大賺一筆，標價4000萬歐元。

報道指，最先表達收購意向嘅係西甲馬德里體育會，希望搵一位前鋒取代蘇亞雷斯，目標指向卡維特利雲，其後阿仙奴亦表態，希望簽入一名前鋒取代奧巴美揚，卡維特利雲係目標人物之一，最新加入挖角嘅就有韋斯咸，佢哋現正爭奪英超前4，仲有歐洲賽要應付，希望增加球隊實力。

卡維特利雲早前因傷休戰4個月，消息指佢已經復操，但仍未有復出日期，愛華頓2016年只花150萬鎊簽佢返嚟，依家同佢仲有2年合約，會方準備喺呢位前鋒身上大賺一筆，標價4000萬歐元，喺現時市道，呢個價錢唔算貴喇！