英超歇冬　利物浦成為最大贏家

足球博彩神器，每日重心提供盡在《彩報》：http://win.on.cc/football/　

英超展開2星期「歇冬」，將於香港時間2月6日凌晨重開，利物浦成為最大贏家，因為紅軍要等到2月11日凌晨先至有英超賽事，屆時穆罕默德沙拿等多位主將可以歸隊，大大提升勝算。

利物浦下場比賽係2月6日晚英足盃對英冠下游球隊卡迪夫城，由於對手實力比較弱，紅軍即使以副選出擊都夠贏。

利物浦踢完英足盃之後，跟住2月11日凌晨英超主場對李斯特城，由於非國盃喺2月6日晚踢決賽，意味3位非洲兵穆罕默德沙拿、沙迪奧文尼、拿比基達已經歸隊，有充裕時間迎戰李城，其中沙拿今季英超入16球及9次助攻，文尼亦入8球及1次助攻，利物浦鋒線有番2人，攻力肯定大增。

加上中場傷兵堤亞高艾簡達拿到時應該可以復出，紅軍陣容更加完整。同埋利物浦選擇留喺本土操練，減少舟車勞頓，亦有利球員恢復體力。

雖然利物浦落後榜首曼城9分，但踢少對手1場，有望拉近至6分距離，嚟緊齊腳出擊，爭標仍然有希望。