轉會專家：馬迪爾願降薪外借西維爾

最強博彩盤路過關神器《串績王》：http://win.on.cc/football/　

曼聯擊敗韋斯咸一仗有份參與進攻嘅安東尼馬迪爾，下半季極大機會外借離隊，將會轉赴西甲協助西維爾爭標，消息指佢今次能夠離開曼聯，主要原因係佢願意減薪，將外借半季，唔包括買斷條款。

馬迪爾早前捲入罷踢風波，與看守領隊蘭歷克關係破裂，但上仗英超前4關鍵戰，馬迪爾被最後階段獲派上陣，更在最後一刻參與進攻，協助曼聯1比0擊敗韋斯咸，成為贏波功臣之一。

不過馬迪爾喺曼聯仍然係邊緣球員，上陣機會唔多，最終佢自願減薪，達到西維爾可負擔程度，今次交易先至傾得成。

轉會專家羅曼諾表示，西維爾將承擔球員半年人工，另加600萬歐元借用費，但不含買斷條款。馬迪爾喺曼聯周薪高達25萬鎊，西維爾無法承擔，但佢肯減薪之後，問題亦告解決，據報其周薪連獎金最高可達20萬鎊，馬迪爾下半季將可轉戰西甲，同皇馬拗手瓜。