巴塞免費簽車路士隊長　合約2+1

足球博彩神器，每日重心提供盡在《彩報》：http://win.on.cc/football/　

車路士後防面臨解體，除咗魯迪格遭皇馬等豪門挖角，效力長達10年嘅隊長艾斯派古達亦於今夏約滿，消息指佢已經同巴塞隆拿秘密簽約，年期2+1，來季自由身重返西甲。

西班牙《每日體育報》報道，32歲嘅艾斯派古達同車路士今夏約滿，佢並無接受車路士續約條件，而係選擇喺生涯晚年重返西甲賽場。

巴塞限於財政狀況，難以承擔高昂轉會費，只能考慮一些自由身球員，艾斯派古達就係理想人選，該球員能出任中後場多個位置，又係西班牙國腳，巴塞高層對佢絕對信任，因此一拍即合，已經秘密簽約。