曼聯大細超!拒絕紐卡素借用連格

2022年01月26日 23:00
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
曼聯外借安東尼馬迪爾畀西維爾後,另兩位邊緣人連格同雲迪碧克都搵緊出路,其中連格已經搵到買家接盤,紐卡素向曼聯提出借用連格,借用費600萬鎊,承擔全部人工,條件同西維爾借用安東尼馬迪爾稍高,但曼聯拒絕!
英國《鏡報》報道,連格已拒絕曼聯新約,尚餘半年合約嘅佢今夏將回復自由身,而曼聯今季亦甚少派呢位29歲中場上陣,一般估計只要搵到合適買家,曼聯都會放佢走,但依家竟然拒絕紐卡素,令連格非常憤怒。
報道指,曼聯只會拒絕韋斯咸同熱刺等聯賽前4名直接競爭關係嘅球會探盤,但紐卡素深陷降班區,對方開出比安東尼馬迪爾借出時更優厚條件,曼聯仍然拒絕,餘下半季時間,連格只能坐冷板坐到離隊。
此外,連格與同樣青訓出身嘅拉舒福特去咗杜拜度假,期間與英國說唱歌手威利合照,但該歌手被批評為反猶太主義傾向,連格就呢張合照引起爭議向公眾道歉。