轉會專家爆料：文仙尼有望執教曼聯

最強博彩盤路過關神器《串績王》：http://win.on.cc/football/　

曼聯準備今夏聘請新帥，接替看守領隊蘭歷克，有轉會專家之稱嘅意大利著名記者羅曼諾表示，意大利國家隊領隊文仙尼有機會成為紅魔鬼下任主帥，因為文仙尼有捧英超冠軍嘅經驗，正係曼聯最需要嘅領軍人物。

羅曼諾接受曼聯名宿里奧費迪南訪問時話：「文仙尼忙於備戰3月舉行嘅世界盃外圍賽附加賽，但佢仍然係曼聯潛在新帥人選，佢有能力，亦都想重返英超搵食。」不過，里奧費迪南持相反意見，主要原因係文仙尼曾經執教曼城，紅魔鬼球迷好難接受佢。

文仙尼曾於2009至13年擔任曼城主帥，並協助球隊奪得2011/12年球季英超冠軍，亦係曼城史上首次捧英超，開啟「藍月亮」王朝。

文仙尼上年夏天率領意大利奪得歐國盃冠軍，但球隊喺世界盃外圍賽表現欠佳，需要踢附加賽，若然未能晉身決賽周，文仙尼可能帥位不保，屆時的確有機會接手執教曼聯。