加利佬曾邀謝拉特加盟曼聯　獲對方神回應

最強博彩盤路過關神器《串績王》：http://win.on.cc/football/　

曼聯名宿加利尼維利近日同前利物浦後衞加歷查主持電視節目時，講番一件往事，原來加利佬喺謝拉特球員時代，曾經邀請呢位紅軍「神奇隊長」加盟曼聯，但被對方一句「神回應」拒絕。

加利尼維利話：「我當時真係好想謝拉特加盟曼聯，但佢話如果加盟曼聯，恐怕佢同家人從此永遠唔可以再出入利物浦。其實泰利都搵過謝拉特加盟車路士，佢哋傾咗10分鐘，但我只有30秒。」

據悉賓尼迪斯執教利物浦初期，同謝拉特格格不入，加上前車路士名帥摩連奴遊說佢加盟，令謝老四有所心動。不過，利物浦開緊急會議，成功留住謝拉特，其後佢更加同「肥賓」一齊協助利物浦奪得2005年歐聯冠軍。