沙拿續約冇進展　PSG趁機挖角頂替麥巴比

足球博彩神器，每日重心提供盡在《彩報》：http://win.on.cc/football/　

英國傳媒爆料，指利物浦同穆罕默德沙拿喺續約問題上，仍然未有進取，法甲勁旅巴黎聖日耳門(PSG)計劃乘虛而入，希望收購呢位埃及國腳，代替好可能轉投皇馬嘅基利安麥巴比。

穆罕默德沙拿嘅合約將於明年夏天屆滿，有傳呢位29歲翼鋒要求50萬鎊周薪，先至肯續約，令紅軍難以接受，以致談判未能取得進展。如果今夏仍然未能達成續約協議，利物浦好可能會出售沙拿，避免佢明夏約滿離隊，令球會人財兩失。

至於巴黎聖日耳門前鋒基利安麥巴比將於今夏約滿，呢位法國國腳一直拒絕續約，如無意外今夏將轉投皇馬，因此PSG需要簽入新射手填補空缺，沙拿實力不在麥巴比之下，加上PSG財力雄厚，足以滿足佢嘅人工要求，的確有機會一拍即合。