【官宣】曼聯又有人離隊　今次係佢

足球博彩神器，每日重心提供盡在《彩報》：http://win.on.cc/football/　

繼安東尼馬迪爾離隊之後，曼聯再宣布將19歲翼鋒阿密特迪亞路外借去蘇超球隊格拉斯哥流浪，直至今季結束為止。

曼聯上年1月由阿特蘭大簽入阿密特迪亞路，呢位科特迪瓦新星為球隊上陣9次，並喺上屆歐霸盃對AC米蘭，射入1球。曼聯上年夏天曾經計劃將阿密特迪亞路外借去荷甲球隊飛燕諾，但因為受傷未能成事。

阿密特迪亞路對於今次被外借去格拉斯哥流浪感到高興：「好開心可以加入格拉斯哥流浪，我呢個球員生涯階段，有機會喺新球會接受挑跳，實在非常好，期待同隊友練波，以及同球迷見面。」格拉斯哥流浪現時排蘇超榜首，領先第2位些路迪4分。