曼聯開出「瘋狂」轉會條件　激嬲連格

最強博彩盤路過關神器《串績王》：http://win.on.cc/football/　

紐卡素一直爭取今個月簽入曼聯中場連格，卻未能成事，英國《每日郵報》爆料，指曼聯開出「瘋狂」條件，嚇窒紐卡素，連格知道有關轉會條款之後，亦感到非常憤怒。

曼聯除咗要求紐卡素支付250萬鎊借用費及負擔連格10萬鎊周薪之外，如果紐卡素護級成功，紅魔鬼可以再獲1,200萬鎊「護級獎金」。換言之，紐卡素借用連格4個月，總費用達到1,650萬鎊，非常唔划算。

連格亦認為曼聯開出嘅要求唔合理，變相阻礙佢轉會，意味今季餘下時間，繼續坐冷板，梗係嬲啦。

事實上，連格將於今夏約滿，並已經決定離隊，曼聯勉強留住佢多半季，意義不大，最終搞到球會人財兩失。