摩納哥列斯聯探盤　利物浦拒賣南野拓實

足球博彩神器，每日重心提供盡在《彩報》：http://win.on.cc/football/　

英國傳媒報道，利物浦拒絕來自摩納哥及列斯聯探盤，唔畀佢哋接觸日本國腳南野拓實，為下半季爭冠以備不時之需。

南野拓實喺利物浦鋒線只係第5選擇，喺佢前面有穆罕默德沙拿、沙迪奧文尼、羅拔圖法明奴、迪亞高祖達，近期沙拿同文尼去咗踢非國盃，鋒線就由迪亞高祖達孭飛，南野拓實只能喺英聯盃有較多落場機會。

上季中南野拓實被外借到修咸頓，上陣10場入2球，今季重返利物浦，上陣18場入6球。利物浦下半季仍要應付多條戰線，聯賽、歐聯、本土盃賽等，有唔少輪換機會，留住南野拓實總有用得着嘅時候。