保羅普巴轉軚願續約:有蘭歷克就有我!

2022年01月29日 17:04
東網電視
更多新聞短片
最強博彩盤路過關神器《串績王》:http://win.on.cc/football/ 
曼聯同保羅普巴續約一事有突破性發展,英國《太陽報》報道,即將約滿嘅保羅普巴獲看守領隊蘭歷克保證成為中場核心後,已決定續約「紅魔鬼」,前提係蘭歷克下季要「坐正」曼聯領隊,實行「有蘭歷克就有我!」
保羅普巴季尾將回復自由身,雖然佢因養傷仍未為蘭歷克上陣,但蘭歷克對於同佢續約相當堅持,據報兩人連番接洽後,蘭歷克保證會以保羅普巴為核心重建中場,呢位法國國腳亦被計劃打動,決定優先留效曼聯,只要蘭歷克下季繼續執教就OK。
保羅普巴嘅個人能力不庸置疑,但前幾任領隊都搵唔到佢最佳位置,蘭歷克就打算效法法國國家隊以佢為重心嘅踢法,充份利用佢全能嘅攻守技術。消息指保羅普巴依家已經傷愈,2月5日英足盃對米杜士堡一仗,可能首度為蘭歷克上陣。