趙心童送歲攞尾彩！德國桌球大師賽封王

中國桌球新星趙心童周一（31日）凌晨在德國桌球大師賽順利奪冠，贏得個人第2項排名賽冠軍，而佢喺決賽與同樣來自中國嘅顏丙濤上演打吡戰，趙心童唔留手贏9比0，相當快手！

趙心童之前已贏得英錦賽冠軍，今次德國大師賽雲集32位頂尖球手，不過奧蘇里雲、希堅斯、丁俊暉都喺資格賽出局，梁文博確診新冠退出，佢喺晉級過程中淘汰威廉斯、卓林普等好手，闖入決賽。

顏丙濤係2019大師賽得主，今屆賽事佢亦接連擊敗沙比、馬克艾倫等好手，實力都唔係嘢少，但估唔到一對趙心童就潰不成軍。

決賽採17局9勝，但點都估唔到戰況一面倒，趙心童打出1桿過百、5桿60+，第1節領先8比0，打到顏丙濤棄械投降，第2節輕鬆贏埋最後1局，以9比0捧盃。