迪亞高祖達疑韌帶受傷　高普勁擔心

最強博彩盤路過關神器《串績王》：http://win.on.cc/football/　

利物浦喺歐聯16強首回合先拔頭籌，不過贏國際米蘭一仗亦收到噩耗，今季表現神勇嘅葡萄牙前鋒迪亞高祖達受傷，半場就要退下火線，初步懷疑足踝韌帶受傷，有可能要缺席一段時間，令領隊高普非常擔心。

迪亞高祖達今季已奠定正選前鋒位置，今季有17個入波係隊中次席射手，不過今仗半場就被換走，高普賽後憂心表示：「我好滿意今場比賽，除咗迪亞高祖達受傷，佢足踝韌帶附近出現問題，我唔知實際傷勢係點，但佢受傷後仍然可以堅持比賽，或者係一個好嘅現象，半場嗰陣佢足踝腫晒，我一定要換人。」

如果迪亞高祖達要長時間休養，羅拔圖法明奴將會係前鋒首選。除此之外，有消息指阿歷士張伯倫喺比賽完結後嘅熱身入面，同樣拉傷大腿，或會缺陣之後幾場比賽。