【官宣】韋舒亞轉戰丹麥人工勁奀

最強博彩盤路過關神器《串績王》：http://win.on.cc/football/　

前英格蘭國腳韋舒亞依家只係30歲，不過因傷患困擾近年處於「半退休」狀態，上年離開般尼茅夫後只係去阿仙奴跟操。呢位中場周一(21日)正式簽約加盟丹麥球會Aarhus，為咗呢個機會韋舒亞願意只收5,000鎊周薪，希望可以喺丹麥重生。

韋舒亞今次簽約Aarhus至季尾，並且有1年續約條款，Aarhus總監係利物浦名將波尼拜，球會喺公布轉會前就先發布一段創意影片，係波尼拜喺電腦「翻煲」韋舒亞2013年對諾域治嘅經典金球，之後就話決定要簽佢。

韋舒亞5,000鎊周薪只係陣中第3高球員，佢簽約後向球會官網表示：「經過一段困難日子後，我係時候要重新開始，好多謝Aarhus畀我呢個機會，我好期待上陣，盡力協助球隊向前邁進。」