鬥茅！祖記中場骨折或提早收咧

最強博彩盤路過關神器《串績王》：http://win.on.cc/football/　

維拉利爾喺歐聯16強同祖雲達斯踢成1比1平手，今場2隊都有唔少粗野犯規，祖雲達斯中場拉比奧特曾施展「收山腳」，冇食紅牌引嚟質疑；祖雲達斯另一中場韋斯頓麥堅尼亦被踢傷，左腳蹠骨雙重骨折，預計可能要抖3個月，今季面臨提早收咧。

祖雲達斯今仗被逼和，法國中場拉比奧特係罪人，球隊失波係因為佢「發夢」走甩柏利祖，隨後佢更用「收山腳」踩向對方前鋒卓禾斯膝頭，VAR未有介入將球證判嘅黃牌升級，拉比奧特真係執到！

81分鐘輪到祖雲達斯成為受害者，今次韋斯頓麥堅尼被佩華斯艾斯度比倫鏟跌，呢位美國中場張即刻被扶離場，檢查後證實佢左腳蹠骨雙重骨折，預料要休息2至3個月時間。意甲今季5月中煞科，如果韋斯頓麥堅尼抖足3個月，今季就會提早收咧。