車路士膠龍成材　KEPA要捧盃翻身

最強博彩盤路過關神器《串績王》：http://win.on.cc/football/　

利物浦已宣布英聯盃決賽收起艾利臣比加，改由基利靴把關，呢邊廂車路士，西班牙門將阿列沙巴拿加亦堅信自己會喺決賽正選上陣打翻身仗，彌補3年前喺英聯盃決賽連累球隊輸波遺憾。

阿列沙巴拿加喺2018年夏天以7,100萬鎊加盟車路士，創下門將最高身價紀錄，但佢表現同身價不符，加盟首個球季就喺英聯盃決賽孭鑊，該仗車路士對曼城，時任主帥沙利於尾段示意換出KEPA，換入卡巴尼路，但佢竟然違抗命令拒絕離場，結果喺互射12碼落敗，痛失錦標。

呢位27歲門將上季頻頻犯錯，當時主帥林柏特忍無可忍，簽入艾度亞文迪取代其位置，直至杜曹上任，球隊成績回復穩定，艾度亞文迪缺陣期間，KEPA亦獲得上陣機會，包括今屆英聯盃各圈賽事都係由佢把關，佢堅信今場決賽會繼續正選上陣，並會以冠軍洗刷污名。