蘭歷克怪陣被鬧爆 最後10分鐘寫恥辱數據

20220307
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
曼聯領隊蘭歷克被視為「戰術大師」,不過佢嘅先進踢法似乎唔係太適合喺「紅魔鬼」實施,周一(7日)凌晨「曼市打吡」喺C朗拿度、卡雲尼等前鋒缺陣下,蘭歷克竟用般奴費南迪斯同保羅普巴作為4-2-2-2嘅前鋒,結果當然慘淡收場。
曼聯季初有C朗、卡雲尼、安東尼馬迪爾、格連活特同拉舒福特5個前鋒,但因為不同原因而「瓦解」,今場只剩拉舒福特候命,不過蘭歷克寧願以般奴費南迪斯同保羅普巴客串,仍繼續將拉舒福特放後備,曼聯名宿加利尼維利批評:「我完全唔明呢個戰術點樣進攻?蘭歷克係用過『半前鋒』踢法,但艾蘭加同查頓辛祖企得太邊,拉舒福特同桑馬達會喺後備席諗『點解唔用我哋』。」
蘭歷克賽後話曼聯頭60分鐘踢得唔錯,但係曼聯最後階段完全被曼城「打爆」,數據顯示佢哋喺最後10分鐘只有16腳傳球,包括1次失波後中圈重新開波;相反曼城中場洛迪卡斯簡迪喺同一時間內,1個人已經有17次傳球,踢到連個波都掂唔到,蘭歷克呢個戰術好難稱得上係成功。