阿仙奴賽程優勢係假象？靠重賞爭前4

足球博彩神器，每日重心提供盡在《彩報》：http://win.on.cc/football/　

英超嘅歐洲賽資格爭奪非常緊湊，阿仙奴、曼聯、熱刺同韋斯咸都對前4位置虎視眈眈，目前排第4位嘅「兵工廠」形勢最好，佢哋領先第5嘅曼聯1分兼踢少3場，就咁睇係巨大優勢，不過原來阿仙奴踢少嘅3場都係超級硬仗，有機會1分都拎唔到，賽程優勢只係假象。

阿仙奴踢少嘅3場聯賽，首仗就係下周四(17日)凌晨主場對利物浦，「紅軍」依家爭冠氣勢如虹，想佢哋失分難度極高；另外2場補賽雖然未有日期，但一場係作客車路士、另一場係作客死敵熱刺，呢2場「倫敦打吡」都唔能夠保證會有分落袋。

雖然仲有唔少硬仗，不過阿仙奴就出重賞爭奪前4，英國《每日郵報》報道，如果阿仙奴能夠拎到歐聯資格，球員將會獲發巨額獎金，根據每個球員嘅貢獻計算，最多可以獨得50萬鎊，而且部份球員嘅合約中有特別條款，如果球隊出戰歐聯會自動加薪，或者重賞之下可以拎到好成績。