水晶宮新星有四重國籍　修夫基搶住要

最強博彩盤路過關神器《串績王》：http://win.on.cc/football/　

水晶宮20歲新星米高奧利斯今季彈起，上陣24場入4球，可司職攻擊中場及翼鋒，好使好用，英國傳媒稱英格蘭主帥修夫基有意召佢入伍，但原來佢有4重國籍，要同其餘3國競爭。

傳媒報道，米高奧利斯有4重國籍，佢喺英格蘭出世，父親係尼日利亞人，媽媽係法國阿爾及利亞人，可以代表4個國家，而佢青年軍時期入選過法國U18，依家升上大國腳，佢可以重新選擇代表國家。

米高奧利斯之前效力雷丁，修夫基唔識佢都正常，今季加盟水晶宮後踢到曉飛，當然受到英軍重視，之前法國青年軍向佢全力栽培，尼日利亞更將佢列入預備名單，加上英格蘭又搶埋一份，究竟代表邊隊，佢可以慢慢揀。