英格蘭現退隊潮　修夫基補選4將入伍

足球博彩神器，每日重心提供盡在《彩報》：http://win.on.cc/football/　

英格蘭嚟緊會同瑞士、科特迪瓦踢熱身賽，不過集訓啱啱展開即出現退隊潮，4名入選球員先後申請退出，領隊修夫基立即補選4將應急，水晶宮左閘泰歷米素爾同修咸頓右閘獲加彼德斯都首度獲得徵召。

英格蘭為2場熱身賽挑選25人，不過門將蘭斯達爾、右閘列斯占士同阿歷山大阿諾特因傷未能報到，上場聯賽為羅馬入2粒嘅前鋒譚美阿巴謙亦申請退隊，突然缺少4個球員下，修夫基即宣布補選泰歷米素爾、獲加彼德斯、森莊士東同奧尼屈堅斯。

22歲嘅泰歷米素爾同24歲嘅獲加彼德斯都係首次入選國家隊，考慮到英格蘭目前閘位人手短缺，2人好大機會可以作出英格蘭「處子戰」，加上首次點兵已入選嘅水晶宮中堅馬克古希，英格蘭下仗對瑞士有望出現3位「地標戰」球員。