結束22年職業生涯　射手迪科爾計劃退役

足球博彩神器，每日重心提供盡在《彩報》：http://win.on.cc/football/　

老牌射手迪科爾1月份，決定提前同蘇超勁旅格拉斯哥流浪解約，重返英甲球隊新特蘭，並簽約至季尾。不過據英國《太陽報》報道，依名39歲老將正計劃喺未來幾日宣布退役，結束自己22年嘅職業生涯。

迪科爾2000/01球季喺韋斯咸正式出道，之後效力過般利茅夫、熱刺同樸茨茅夫，2014年轉投美職FC多倫多，不過踢咗短短一季就回流加盟新特蘭，之後踢過般尼茅夫、格拉斯哥流浪，最終今年決定重返「黑貓」，幫球隊爭升班。迪科爾累積喺英超出場496次，錄得163入球、29助攻，成為英超史上入球第9多球員。另外佢亦曾經為英格蘭國家隊上陣57次，射入20球，絕對係近代最佳嘅本土射手之一。

重返新特蘭之後，迪科爾暫時喺英甲上陣7次，不過全部都係後備上陣，並未取得入球。新特蘭暫時仲未鎖定升班附加賽資格，未知迪科爾會唔會踢埋今季，但相信依位39歲前鋒嘅職業生涯已經踏入尾聲。