坦哈格係地產商太子爺　教曼聯唔係為錢

最強博彩盤路過關神器《串績王》：http://win.on.cc/football/　

52歲嘅阿積士主帥坦哈格已於上周與曼聯管理層接觸，參加曼聯領隊嘅面試，等待一個星期後，坦哈格對於仍未收到曼聯聘約感到驚訝，因為佢同其他應徵者唔同，佢教曼聯唔係為錢，因為佢本身已經係有錢人。

英國《鏡報》報道，坦哈格係荷蘭最大地產金融公司之一嘅太子爺，現時家族產業由另兩位兄弟掌管，坦哈格擁有相同股份，佢隨時可以脫離足球返去繼承家族生意，不過佢並無咁做，而係發展自己嘅足球事業。

坦哈格由89年至02年效力過荷甲多間球會，司職中堅，2012年開始從事教練工作至今，一直走自己嘅足球路，近年執教阿積士闖出名堂，依家佢希望執掌曼聯教鞭，帶領紅魔鬼創造輝煌。