比比暗示離隊　阿仙奴斟荷蘭天才翼鋒

最強博彩盤路過關神器《串績王》：http://win.on.cc/football/　

阿仙奴3年前用7,200萬鎊收購尼高拉斯比比，但呢位科特迪瓦翼鋒一直踢唔出水準，今季更長居後備做布卡約沙卡嘅後備。呢位26歲球星日前接受訪問，暗示考慮季尾離隊，阿仙奴亦準備物色新翼鋒，目標直指荷蘭新星加普。

尼高拉斯比比今季英超只有5次正選上陣，佢受訪表示：「當球隊一直贏波，教練好難更改正選陣容，阿迪達(領隊)有同我解釋過呢件事，我明白我要喺練習中保持好表現去爭取上陣時間，不過冇球員會唔想落場，今季對我嚟講係困難嘅一季，我要尊重領隊決定，集中實現球會今季嘅目標，之後先再打算。」

據報尼高拉斯比比將離隊尋求上陣機會，而荷蘭媒體就爆料，指阿仙奴睇中燕豪芬翼鋒加普，呢位22歲新星今季各項賽事有16個入波同15次助攻，轉會費達4,200萬鎊，消息指拜仁慕尼黑同巴塞隆拿都對佢有意，但阿仙奴目前處於領先位置。