愛華頓莫財　2大神鋒必賣1人

足球博彩神器，每日重心提供盡在《彩報》：http://win.on.cc/football/　

英超球會愛華頓今季成績差勁，依家排喺聯賽尾4隨時降班，不過就算佢哋護級成功，財政問題亦好可能「拖冧」球隊。據報愛華頓為填補財政赤字，今個夏天必定會將卡維特利雲同李察利臣其中一人賣走。

愛華頓日前公布上年度財政報告，顯示球隊錄得高達1.2億鎊虧損，加上球會主要贊助商奧斯曼諾夫受到英國政府制裁，財政雪上加霜。英國《每日郵報》報道，愛華頓今夏將要出售主力套現，2大球星卡維特利雲同李察利臣，肯定會有1人被賣走，2位前鋒轉會費約5,000萬鎊，可以大大舒緩球隊財政壓力。

英格蘭前鋒卡維特利雲有唔少豪門垂青，阿仙奴、曼聯同紐卡素對呢位25歲前鋒都有興趣，至於巴西國腳李察利臣，就獲巴塞隆拿、利物浦等關注，如果愛華頓決定將佢哋出售，絕對唔憂冇買家接手。