曼城將與菲爾科頓續約　加薪9倍

最強博彩盤路過關神器《串績王》：http://win.on.cc/football/　

曼城與菲爾科頓續約有新進展，消息指該21歲國腳獲大幅加薪，由現時周薪2萬鎊加到18萬鎊，足足係原本嘅9倍，達到一線球員水平。

英國《每日星報》報道，曼城為準備呢份新合約，花咗3個月時間，可見會方對該球員嘅重視程度，雖然菲爾科頓合約仲有兩年，要到2024年先到期，但為穩陣起見，會方希望用長約綁實佢。

早前一份體育財經權威對菲爾科頓估價，指佢身價高達1.5億鎊，而呢位小將表現持續進步，上季上陣50場入16球，今季暫時上陣34場入11球，值得球會為佢大幅加薪。