遭曼城紅軍「4殺」失15球　曼聯完全唔入流

足球博彩神器，每日重心提供盡在《彩報》：http://win.on.cc/football/　

曼聯喺周三(20日)凌晨英超「雙紅會」作客0比4不敵利物浦，加上首循環輸0比5，兩仗慘吞紅軍9蛋，至於兩循環對曼城，分別輸0比2及1比4，換言之曼聯對2支爭冠勁旅，4戰全敗失15球，充分反映佢哋同爭冠球隊嘅距離相差非常遠，恐怕有排都同英超冠軍無緣。

曼聯今仗全場捱打，上半場更加0射門，賽後看守領隊蘭歷克承認輸得口服心服，認為球隊落後利物浦6年：「第1球失波打亂部署，我哋上半場表現唔好，任何方面都唔及對手，下半場頭25分鐘表現唔錯，但失第3球後，大勢已去，賽果令人失望同尷尬，甚至可以話係恥辱，必須承認對方已經領先我哋6年，高普執教利物浦後，改變球會，唔止提升陣容，甚至令整個城市都進入新水平。」

蘭歷克認為曼聯今夏必須增兵，下季先至有能力同列強周旋。利物浦領隊高普表示，兩循環聯賽贏曼聯9球好罕見，球迷可以好好享受。