驚出現冤案？歐協聯提早4強用VAR

最強博彩盤路過關神器《串績王》：http://win.on.cc/football/　

歐洲足協(UEFA)原本計劃今屆歐協聯，等到決賽先至加入VAR，幫助球證作出判決，但依家事情有變，UEFA決定提早喺4強比賽就使用VAR技術，希望減少錯判，令打入決賽嘅球隊都屬於實至名歸。

VAR技術近年已經喺世界各地球賽廣泛使用，但今屆首次舉行嘅歐協聯並未有追隨潮流，歐洲足協原本打算決賽先至加入VAR，不過近日宣布改變主意，提早4強使用，希望令比賽更加公平。

今年2月歐協聯淘汰圈附加賽次回合，卡拉巴克主場對馬賽，卡拉巴克前鋒華治用手拍入個波，但球證睇唔到，又冇VAR幫手，判入波之後，即時引起爭議。幸好卡拉巴克主帥古班洛夫叫華治「自首」認犯手球，球證先至改判入球無效，可見冇VAR，好大機會出現冤案。

今屆歐協聯4強分別由李斯特城對羅馬、飛燕諾對馬賽，兩場波對賽雙方實力勢均力敵，預料應該會有唔少機會需要VAR幫手，難怪唔少球迷認為UEFA今次決定係「德政」。