祖記孤寒激嬲馬體會　阿仙奴出手搶莫拉達

最強博彩盤路過關神器《串績王》：http://win.on.cc/football/　

意大利傳媒爆料，指祖雲達斯唔願意今夏向馬德里體育會支付3,500萬歐元買斷前鋒艾華路莫拉達，呢支西甲球隊打算將莫拉達出售畀其他球隊，盛傳阿仙奴有意出價3,000萬歐元接貨。

祖雲達斯向馬體會借用咗艾華路莫拉達2季，已經支付2,000萬歐元借用費，最多只會用1,500萬歐元買斷呢位29歲西班牙國腳，但馬體會要求3,500萬歐元轉會費，結果兩間球會傾唔掂數。

據悉阿仙奴想乘虛而入，有意出價3,000萬歐元收購艾華路莫拉達，兵工廠2位前鋒拿卡錫迪、尼基迪亞好可能今夏自由身離隊，會方近期周圍物色射手，莫拉達都成為目標。

艾華路莫拉達曾經效力另一支英超球隊車路士，但表現欠佳，黯然轉投馬體會，估唔到阿仙奴都對佢有興趣。