傳簡拿華路教愛斯賓奴　同武磊故劍重逢

最強博彩盤路過關神器《串績王》：http://win.on.cc/football/　

近期西甲連輸3場嘅愛斯賓奴，據報今夏將會進行重建，球隊目標直指前中國主帥簡拿華路，據報愛斯賓奴主席陳雁升已同呢位意大利名帥接洽，如果可以達成協議，簡拿華路將會喺西甲再同中國前鋒武磊合作。

愛斯賓奴今季護級形勢樂觀，不過季尾將會進行重建，教練摩蘭奴同總監魯菲迪都會離隊，而主席陳雁升就屬意曾經執教多年，做過中國國家隊主帥嘅簡拿華路執教。消息指簡拿華路同時獲美職FC多倫多垂青，不過佢更希望留喺歐洲搵食。

據西班牙媒體消息，陳雁升同簡拿華路已經進行接觸，並且就合作達成基本共識，不過當中仍有變數，尤其傳聞指有美國財團打算向陳雁升收購呢支西甲球會。球員時代效力過皇家馬德里3年嘅簡拿華路，如愛斯賓奴前鋒武磊相當熟悉，話唔定會畀佢更多上陣機會。