曼城秘密武器　死球戰術橫掃英超

最強博彩盤路過關神器《串績王》：http://win.on.cc/football/　

曼城出晒名火力強勁，奇雲迪布尼、菲爾科頓、馬列斯、史達寧同基亞利殊等攻擊手粒粒皆星，不過「藍月亮」原來仲有秘密武器，佢嘅死球戰術成為入球一大來源，連埋上場聯賽對列斯聯2個死球入波，曼城係今季英超死球入波最多球隊。

哥迪奧拿喺贏列斯聯後話：「我哋唔係經常有死球入波，但有時用嚟打破僵局係非常有用。」哥迪奧拿咁講相當客氣，事關唔計12碼，曼城今季英超有18個入波係嚟自死球，唔單止係英超今季最多，亦係曼城自13/14球季以來最多死球入波嘅一季，而死球教練維辛斯居功至偉。

曼城原本嘅死球教練祖華季前過檔阿仙奴，即令「兵工廠」死球威力大增，不過繼承佢嘅維辛斯同樣有料，哥迪奧拿表示：「佢將死球戰術簡化，令所有球員都能夠明白，關鍵在於負責處理嘅球員，當奇雲迪布尼在場佢就係處理者，菲爾科頓都可以，有好嘅死球處理者就有入波機會。」