湯馬士梅拿與拜仁續約至2024年

20220504
東網電視
更多新聞短片
(拜仁官網圖片)
足球博彩神器,每日重心提供盡在《彩報》:http://win.on.cc/football/ 
德甲班霸拜仁慕尼黑,近日宣布與陣中攻擊手湯馬士梅拿續約至2024年,意味呢位前德國國腳,有望喺呢支效力至退役。
現年32歲嘅湯馬士梅拿,2000年加入拜仁青訓,自2008年出道後,就一直喺呢支德甲班霸效力,期間幫助球隊贏盡各大錦標,包括2次於歐聯封王,以及11次捧起德甲冠軍。對於成功續約,湯馬士梅拿直言感到高興:「自2000年加入青年軍以嚟,我喺拜仁效力嘅時光就係一個成功嘅故事,無論場內場外,即使喺困難嘅時刻,我每年都好享受穿起拜仁波衫。」
拜仁公布續約消息嘅同時,仲喺社交網站上載湯馬士梅拿兒時身穿拜仁球衣嘅相片。球會體育總監沙歷咸美斯,就形容呢位球隊旗幟性人物,同拜仁關係密不可分:「無法想像冇拜仁嘅湯馬士梅拿,反之亦然。」拜仁行政總裁簡尼,則提到湯馬士梅拿對拜仁嘅重要性:「拜仁嘅隊徽烙印喺佢心中,佢係一名領導者,亦係更衣室內非常重要嘅一員。」