歐霸盃歐協聯生死戰 英倫三兄弟大反攻

20220505
東網電視
更多新聞短片
最強博彩盤路過關神器《串績王》:http://win.on.cc/football/ 
歐霸盃及歐協聯周五(6日)凌晨同時間上演4強次回合生死戰,「英倫三島」球隊韋斯咸、李斯特城同埋格拉斯哥流浪分途出擊,3隊喺首回合僅錄得1和2負,陷入出局邊緣,背水一戰之下,勢必使出渾身解數,豁出去一搏,力爭攜手進身決賽。
韋斯咸未回氣難贏法蘭克福
歐霸4強次回合焦點對決,法蘭克福返主場再鬥「錘仔幫」韋斯咸。由於首回合輸緊1粒,韋斯咸為收復失地一定空群而出,開正法蘭克福擅打反擊嗰瓣,可以睇定嚟食,加上佢哋今屆歐霸未輸過,有力贏波殺入決賽,平手盤坐和望贏。(Now 643周五凌晨3時直播)
首回合韋斯咸於主場以1比2落敗,為殺入決賽已經冇退路,今仗非勝不可。不過主帥莫耶斯有啲猶豫,上仗聯賽迎戰阿仙奴,佢未有好似再前一周對車仔咁盡遣副選,迪格蘭賴斯、查洛保雲竟然正選上陣,米查利安東尼奧、湯馬士蘇錫克亦有後備落場,搏到盡之下仲輸埋,似乎「莫天才」有失策之嫌,而且各項賽事4仗不勝,包括近3仗輸晒,無疑影響信心。
「錘仔幫」焗攻正中下懷
相反,法蘭克福目標鮮明,擺明放棄聯賽主攻歐霸,呢支老牌球隊近6仗德甲未贏過,包括周一淨吞利華古遜兩蛋,不過卡拿夫及菲臘高斯迪僅各踢半場,於歐霸屢建奇功嘅鎌田大地只喺末段後備入替,箭頭山度士波里嗰場更係坐波監,抖到夠預備今仗。法福於2019年同樣殺入歐霸4強,可惜互射12碼輸畀車仔出局,依家再遇英超球隊唔想再失威,法福最叻打反擊,強如巴塞都畀佢哋殺到措手不及,難怪今屆11場歐霸,取得6勝5和未輸過,既然依家領先1粒「錘仔幫」又要焗攻,實大把空位畀法福打突擊,平手盤值得捧場。
格流搶攻大盤手到拿萊
另一場4強次回合大戰,就係格拉斯哥流浪主場對RB萊比錫,蘇超班霸格拉斯哥流浪首回合輸0比1,今仗返回自己地頭,勢必全力進攻。德甲球隊RB萊比錫整體實力較強,即使有1球在手,亦唔會死守求和,中位數2.5球嘅入球大要追。(Now 644周五凌晨3時直播)
格拉斯哥流浪雖然首回合輸0比1,但踢法並唔保守,全場有7次射門,僅比對手少3次,並且踢到85分鐘先至失波,輸得有啲唔抵。形勢迫使之下,格流為爭取晉級決賽,今仗非勝不可,預料會豁出去一搏。睇番格流近5場歐霸盃主場取得4勝1和,全部都攻入對手2球或以上,包括同另一支德甲勁旅多蒙特打和2比2,今仗無懼同RB萊比錫鬥攻。
RB萊比錫質優唔會縮
至於RB萊比錫首回合創造唔少具威脅攻門,其中尼干古就浪費3次入波黃金機會,但呢位法國國腳始終有一定質素,佢今季各項賽事上陣48場入31球,今仗或會將功補過,為RB萊比錫入多幾球。
值得留意,RB萊比錫上場德甲輸波之後,已跌至聯賽第5位,未必可以憑前4位參加下屆歐聯,所以一定更加想捧盃,以歐霸盃冠軍身份出戰下屆歐聯,今仗隨時先發制人,希望盡快入波,奠定晉級決賽基礎。
直播表
周四3:30pm 韓職 水原藍翼 Vs 蔚山現代
無綫myTV SUPER
周四5:05pm 澳職 西悉尼流浪者 Vs 威靈頓鳳凰
無綫myTV SUPER
周五凌晨零時 意甲 沙蘭力坦拿 Vs 威尼斯
Now 639
周五2:45am 英甲 韋甘比 Vs 米爾頓凱恩斯
有線661、601台
周五3:00am 歐霸盃 法蘭克福 Vs 韋斯咸
Now 643
周五3:00am 歐霸盃 格拉斯哥流浪 Vs RB萊比錫
Now 644
周五3:00am 歐協聯 羅馬 Vs 李斯特城
Now 645
周五3:00am 歐協聯 馬賽 Vs 飛燕諾
Now 646
周五8:00am 自由盃 巴拉干天奴紅牛 Vs 沙士菲
HKJC TV app
周五10:00am 自由盃 利馬聯 Vs 高路高路
HKJC TV app