卡域克教英甲？ 傳林肯城力勘上任

足球博彩神器，每日重心提供盡在《彩報》：http://win.on.cc/football/　

卡域克離任曼聯看守領隊後，一直閒賦在家，近日佢似乎有新搞作，據報英甲球隊林肯城希望搵呢位前紅魔中場執教球隊，如果事成，將會係卡域克開始教練生涯後，首次任職擔正主教練一職。

現年40歲的卡域克累積咗唔少教波經驗，2018年掛靴後，佢留喺曼聯展開教練工作，期間曾分別擔任兩任紅魔主帥摩連奴同蘇斯克查嘅助教，喺後者被炒魷後，卡域克仲一度以看守領隊身分帶領曼聯出戰，直至蘭歷克執起球隊教鞭。

嚟緊呢位曼聯名宿隨時有新挑戰，據英國傳媒報導，過去一季喺英甲僅以17名衝線嘅英甲球隊林肯城，喺前主帥阿普爾頓4月底離隊後，正積極搵緊卡域克接手球隊，據悉呢位前英格蘭國腳現時認真考慮緊呢次機會，正式展開執教生涯。